كيف اجعل شخص يحبني

[بسبوسة وعسل]

اخواتي انا وكل افراد اسرتي (البنات) معروف انو شعرنا طويل وكثيييييف لدرجة اننا من واحنا باقين صغار البنات كيسالونا فالمدرسة شنو كديرو لشعركم وهو غير من عند الله ولكن المشكل ان ملي كيوصل عمرنا18 كيتساقط بشكل فضييييييييع لدرجة انني كنبكي ملي كنشوفو بحال هكدا كيضيع المهم بديت كنتجه للخلطاات ولسنوات وبدون اي نتيجة غير كنوقف شهر واحد كيرجع يطيح كل الشعر لي ناض المهم فكرت بشكل علمي قلت بان تساقط الشعر عندو اسباب داخلية interneو اخرى خارجية externeالمهم مشيت عند الطبيبة وبديت كندير التحاليل واكتشفت بان الدورة الشهرية هيا السبب الانها كانت كتجيني مجهدة بزاف وانا كنسحابها عادية وهدا سبب لي فقر فالدم يعني الدم الي كيغدي الشعر والاضافر كيضيع ومكنجي نوصل لسن 18 سنة حتى شعري كيخفاف وانا من 2شهور بديت كنتبع الكينة ديال نقص الدم واعطاتني كينة اخرى عبارة عن complement alimentaireغزالة اسمها forcapil وهيا غير فيتامينات لشعر والحمد لله الحمد لله الحمد لله كما ينبغي لجلال وجهه وعظيم سلطانه التساقط مبقاش وشعري رجعت ليه الحياة وقررت انشاء الله نشري حتى كينة زيت كبد الحوت الانها مزيانة لشعر والبشرة ونتمنى نعرف رايكم اما عن الوصفات الطبيعية وليت كنكتفي غير بزوج امور الاول كناخد البصلة الحمرة وكنحكها وكنعصر فالصفاية ماء ديالها وكنشقق بيه شعري وكنبلل بيه شعري كامل ومنبعد كندير بلاستيكة على شعري وكنحزمو بشي درة باش يستافد منها وكنغسلو 2 مرات صافي ومنقوليكمش راني راضية ولله الحمد على النتيجة نعووووومة رائعة وكتقضي على القشرة نهائيا وكتخلي فروة الشعر صحية
اما الوصفة تانية هي زيت الحلبة كنشقق بيه شعري بعد المراة ونخليها شي ساعة على الاقل وحتى هي مزيانة
انا بغيتكم تستافدو من تجريبتي والاخطاء لي درت مديرهمش راه شعر نعمة من الله وجمال ديالو كيجي من داخل متضيعوش الوقت فالوصفات راه ممكن تساقط الشعر يكون عندو سبب مرضي كفقر الدم او اختلال عمل الغدة الدرقية ....كل انسان واسبابو والى درتو تحاليل وملقيتو والو ديك ساعة ممكن الانسان يدير الوصفات ويشرب مرة فالسنة على الاقل شي فيتامينات كتساعد على نمو الشعر