كيف اجعل شخص يحبني

[ميرا]

صوتي العالي ما اعرف شالحل معاه

بنات اعاني من هالمشكلة من قبل ما اتزوج صوتي مو خشن يعني ناعم وحلو صوتي بس نبرة الصوت مرتفعه لصرت اتكلم اتكلم عادي بهدوء بس لما اكون اسولف واندمج صوتي يصير مرتفع كثيير و من قبل ما اتزوج في من اهلي يعلقون على صوتي انه مرتفع ويقولون اني مزعجة هههه خاصه اني انسانة احب السوالف والضحك فأسولف احيانا لندمجت بصوت عالي واضحك بصوت عالي
مشكلتي يوم تزوجت زوجي جنوبي شرقي
والله يا بنات هو صوته اهدا من صوتي وانا لندمجت وانا اسولف فجأة يرتفع صوتي كثيير او اضحك بصوت عالي وهو يقولي احيانا بسم الله علينا اشوي اشوي بهدوء ومره قالي ما تعرفين انتي تسولفين ما ادري قصده ما تعجبه سوالفي او قصده انه لصرت اسولف اندمج ويرتفع صوتي
قالت اخته وهي تسولف عن صوتهم اهم عالي قلت لها انا كذه قالت اي مثلنا قال لهو لا اتحدا انتو صوتكم يصير مثل صوتها اهي اعلى
المهم انا اتدرب واحاول اتكلم بصوت منخفض بس كل مره ترجع حليمة لعادتها القديمة واحس البنت لصار صوتها عالي ما تكون انثى رقيقة وجذابة مثل اللي صوتها منخفض تكون اكثر انوثة واكثر جاذبية


المهم ما ابي اطول عليكم قولو لي شالحل عشان اتعلم جد اخفض صوتي لصرت اسولف وضحكتي تكون ضحكة هادية انسى نفسي والله ههه


وهم بنات عندي شي انا احس كثيير ميانة مع زوجي يعني اثنينه نستهبل مع بعضنا بعض ونضحك مع بعضنا بعض و ما اخجل منه و دايم استهبل معاه وهو يضحك علي بس احس يعجبه هالشي فيني اني مرحة معاه و لتمسخر علي اقوله خلاص بثقل يقولي كان اسطرك لو تثقلين بس مرات يجي في بالي احس لا مو حلو كثرة الاستهبال والميانة ما تكون الوحدة انثى حقيقية و جذابة ولا انتم ايش رايكم ؟؟