كيف اجعل شخص يحبني

[ميرا]

الحل مع شغالتي

السلام عليكم بنات
هذي اول مشاركة لي في هذا المنتدى الجميل..
السالفة هي عن شغالتي..
اهي فلبينية مسيحية غير متزوجة شغلها مرة نظيف ومرتب وتجهز اغراض اليهال نفس ماقولها
انا موظفة وعندي طفلين بنت 5 سنيين و ولد بوسنتين.. واحين لانه كورونا فشغلي صار في البيت واتابع اليهال. المشكلة صارت امس كنت لاهية في اللاب توب حق شغلي وله اسمع صياح ولدي الصغير في غرفة الألعاب ورحت له والخدامة موجودة معاه وبنتي كانت تلعب في حالها قلت ليش يصيح تقول اهو يبقى يلعب مع اخته.. بس ماصدقتها لانه صياح ولدي كأنه متألم وشفت يده حمررة ويصيح
انا خذيته وهديته وبعدين ناديت بنتي وقلت لها شسوت ريتا ( اسم الخدامة ) تقولي بنتي ماما تصارخ على اخوي وتسوي كذا حركة تقرصه .. رحت لها زفيتها تقول لا ماما انا ماسويت شي وقلت انا أدري انك تطقينه اذا سوا شي قولي انا باتصرف مو انتي.
انا يابنات ماخليها بروحهم معاها وإذا كنت في الدوام اودي ولدي عند امي وبنتي في الروضة يعني ماخليها بروحها معاه.. بس احين طقته وانا موجودة بس لانه صغير مايتكلم ومرة شفتها على غفلة ماتدري انا وراها قرصته على خفيف على فخذه لانه طفشها في تغيير ثيابه بس مابكى بس تضايق شوي .
شو تنصوحني اخلي ريلي يبهدلها وله اخصم من راتبها بس اخاف تحقد علي وصعبة ابدلها احين واحنه دافعين عليها والوضع حاليا مايسمح .. عطوني حلول بنات .. اشتري كاميرا؟ !